पोखरा, कार्कीक २५,
विश्व नेपाली साहित्य महासङ्घ गण्डकी प्रदेश (विनेसाम)ले महाकवि लक्ष्मीप्रसाद देवकोटाको ११५औँ जन्म जयन्तीका अवसरमा शुभकामना आदनप्रदान तथा विशेष रचनावाचन गर्ने भएकाे छ ।
विनेसाम गण्डकी प्रदेशले लक्ष्मी पूजा तथा देवकोटाको ११५औँ जन्मजयन्तीका अवसरमा कार्तिक २६ गते परिचयात्मक शुभकामना आदनप्रदान तथा विशेष रचनावाचन गर्ने आयाेजकले जनाएकाे छ ।
विनेसाम नेपाल शाखाकाे समन्वयनमा गण्डकी प्रदेशले आयाेजनमा गरेकाे कार्यक्रम विश्व नेपाली साहित्य महासङ्घ केन्द्रीय अध्यक्ष तथा साहित्यकार सुरेन्द्र लिम्बू परदेशीको प्रमुख आतिथ्यतामा गरिने भएको छ ।
महासङ्घकी केन्द्रीय महासचिव सुनिता राई कन्दङ्वा र केन्द्रीय संगठन सचिव तथा नेपाल शाखाकी अध्यक्ष कल्पना पौडेल जिज्ञासु विशिष्ट अतिथि साथै कार्यक्रममा सातै प्रदेशका प्रमुखहरुकाे विशेष उपस्थिति र रचना वाचन रहने विनेसाम गण्डकी सचिव प्रेम थापा मनले जनाकारी दिनुभयाे ।
विशेष वाचनमा काेशी प्रदेशका अध्यक्ष मुना आत्रेय, मधेस प्रदेश अध्यक्ष मनिराज दाहाल, बागमती प्रदेश अध्यक्ष ताेयनाथ सुवेदी, गण्डकी प्रदेश अध्यक्ष प्रकाश अधिकारीकाे प्रस्तुती रहने छ । त्यस्तै गरी लेकप्रसाद प्याकुरेल, चन्द्र रावत गुराँस र बाबुराम आचार्यले रचना वाचन गर्नुहुनेछ । उहाँहरु क्रमश: लुम्बिनी, कर्णाली र सुदुरपश्चिम प्रदेशका अध्यक्षहरु हुनुहुन्छ ।
कार्यक्रम भर्चअल माेडेलमा २६ गते कार्तिक २०८०/१२ नोभेम्बर २०२३ आइतावार नेपाली समय साँझ ७:०० बजे हुने छ । सहभागीतकाे लागि विनेसामकाे जुम ID: 810 5517 5553 मा सिधै जाेडिन सकिनेछ । जुमकाे पासवर्ड लाग्दैन । विनेसाम परिवार विश्वको २५ देशमा स्थापित छ र ५० राष्ट्रिय शाखा तथा उपशाखाहरू रहेका छन् । नेपाली साहित्यको उन्नयनमा केन्द्र र शाखाहरू उत्तिकै दत्तचित्तले सक्रिय छन् ।
जुम ID: 810 5517 5553
जुम सोझै जोडिन : https://us02web.zoom.us/j/81055175553
Passcode : No need
विनेसाम गण्डकी प्रदेश समिति