दोस्रो विश्वब्यापी खुल्ला कविता प्रतियोगिता सन् २०१५ मा पान्थरका सुब्बा प्रथम

लण्डन, गत २९ मे २०१५ का दिन आठौ गणतन्त्र दिवसको अवसरमा सार्वजनिक दोस्रो विश्वब्यापी खुल्ला कविता प्रतियोगिता सन् २०१५ को नतिजामा पान्थरका शन्देश सुब्बाको ‘सिकर्मी’ शिर्षकको कविता प्रथम भएको छ । सुब्बा ११४ प्रतियोगीलाई पछि पार्दै प्रथम भएका हुन ।

विश्व नेपाली साहित्य महासङ्घ, विश्व केन्द्रीय समितिको आयोजना र विभिन्न ६ साहित्यिक संस्थाहरुको सहआयोजनामा सम्पन्न विश्वब्यापी प्रतियोगितामा फत्तेपुर सप्तरीका शंकर निरौला निरक्षर ‘देश देश जस्तो छैन’ शिर्षकको कविता दोस्रो र काठमाडौंका कवि प्रथाको ‘समाजशास्त्रको आँसु’ तेस्रो बनेकोे छ । त्यस्तै गरि महिला मध्येबाट उत्कृष्ट युकेकी भावना ‘परिष्कृत’ सुनुवार हुनुभएको छ भने भाषाभाषी तर्फ मैथिलीमा पुनम ठाकुर पुरस्कृत घोषित हुनु भएको छ । राई वान्तावा, लिम्बु, सुनुवार, मगर र मैथिली भाषाका कविताहरु समाविष्ट थिए । एकै भाषाको ८ भन्दा बढि प्राप्त भएकालाई मूल्याङ्कन गरि पुरस्कृत गरिएको हो ।

विजयी प्रथम, दोस्रो, तेस्रोले क्रमशः नगद रु २० हजार, १० हजार, ५ हजार र उत्कृष्ट द्धयले ५÷५ हजार नगद सहित प्रमाणपत्र प्राप्त गर्नेछन भने उत्कृष्ट २० कविताहरुको चाईनिज र हिन्दीमा अनुवाद गरि कृति प्रकाशन गरिने छ । विजयीहरुलाई अनुकुलता मिलाई कार्यक्रम गरि पुरस्कारहरु हस्तान्तरण गरिनेछ । प्रतियोगितामा नेपालका २८ जिल्ला र १३ मुलुकबाट जम्मा १३४ ले सहभागिता जनाएका थिए । यस अघि साहित्य महासङ्घले सन् २०११ मा प्रथम विश्वब्यापी कविता प्रतियोगिताको आयोजना गरेको थियो ।

साहित्य महासङ्घको केन्द्रीय अध्यक्ष विश्वास दीप तिगेलाको अध्यक्षतामा सम्पन्न कार्यक्रममा अमेरिकाबाट पूर्व अध्यक्ष डा. मधुमाधुर्य, रसियाबाट सल्लाहकार कृष्णप्रकाश श्रेष्ठ, युकेबाट डा. कविताराम श्रेष्ठले गणतन्त्र दिवसको शुभकामना तथा विजयी कविहरुलाई बधाई दिनु भएको थियो । प्रतियोगिताका नतिजा उपाध्यक्ष सुरेन्द्र लिम्बुले घोषणा गर्नुभएको थियो भने कविताहरुलाई भारत सिक्किमबाट डा. राजेन्द्र भण्डारी, डा. कविता लामा र काठमाडौंबाट युवाकविहरुको प्रतिनिधित्व गर्दै ठाकुर वेलवासेले मूल्याङ्कन गर्नुभएको थियो । मूल्याङ्कनकर्ताहरु पूर्ण गोप्य रहेका थिए भने वहाहरुले दिएको अंकको जोडफलको आधारमा विजयी चयन भएका हुन । पहिलो चरणको मूल्याङ्कन सुर्खेतबाट खगेन्द्र अधिकारी ‘अमृत’ र इजरायलबाट सुनिता राईलिम्बुले गर्नुभएको थियो । समारोहमा एक दर्जन कविहरुले आआफ्नो सिर्जना वाचन पनि गरेका थिए ।

गत बैशाक १ गते सार्वजनिक गर्ने कार्यक्रमलाई महाभूकम्पको कारण एक महिना पछि सारिएको थियो । महाभूकम्पमा परेकालाई उद्धार र राहतको काममा प्रभावकारिताहुन सकोस भन्ने उद्देश्यले साहित्य महासङ्घले नगद ५० हजार रासिको पुरस्कार घोषणा गरिसकेको छ । उद्धार कार्यमा उत्कृष्ट काम गर्ने ब्यक्तिको छनौटको लागि नामहरु संकलन शुरु गरिएको अध्यक्ष तिगेलाले जानकारी गराउनु भयो । प्रतियोगितामा विजयी, सम्पूर्ण सहभागि, प्रत्येक्षअप्रत्यक्ष सहयोगि, संलग्न तथा प्रायोजन गरिदिनुहुने सबैलाई धन्यवाद साथै गणतन्त्रको शुभकामना अध्यक्ष तिगेलाले दिनुभयो । बैठकलाई ताइवानबाट महासचिव डा. लेखनाथ काफ्लेले संचालन गर्नुभएको थियो ।

साहित्य महासङ्घको विश्वभर १७ मुलुकमा २४ शाखाहरु रहेका छन् । प्रतियोगितामा सहभागि भएका कविताहरु साहित्य महासङ्घको वेभसाइट जिएफएनएलडटअर्गमा कविको आफ्नै स्वरमा पटकपटक सुन्न सकिन्छ, पढ्न सकिन्छ र हेर्न सकिन्छ । यस प्रकारको सुविधा रहेको नेपाली साहित्यको इतिहासमा अन्य प्रतियोगिता भएका छैन्न ।

कविता सुन्नुहोस >>>

Sandesh Subba stands first in global poem competition

Kathmandu, May 30: Sandesh Subba from Panchthar has stood first in the second global poetry competition organised by the Global Federation for Nepali Literature.

Subba’s poem ‘Sikarmi’ bagged the first prize. There were 114 competitors. A poem ‘Desh Desh Jasto Chhina’ of Shankar Niraula (Nirakshar), living in South Korea, won the second prize while ‘Samajshastra Ko Aansu’ of Pratha from Kathmandu won the third prize.

Similarly, poem by Bhawana Pariskrit, living in UK, and the one in Maithili by Punam Thakur were announced the best creations.

A total of 134 poets including from 28 districts of Nepal and from 13 other countries participated in the competition. The first, second and third winners of the competition bag Rs 20,000, Rs 10,000 and Rs 5,000 and certificate respectively. Similarly, the two best creations also get Rs 5,000 each. The prizes would be distributed at a convenient time.

Central Chairman of the Federation, Biswasdip Tigela, said that 20 best poems would be published in Chinese and Hindi languages too. RSS

दोस्रो विश्वब्यापी खुल्ला कविता प्रतियोगिता सन् २०१५ को अन्तिम नतिजा

सहभागि जिल्ला तथा मुख्य स्थानहरु
झापा, बारा, मणिपुर, सिक्किम, दार्जिलिङ, सिलाङ, लखनउ, काठमाडौं, दाङ, शखुवासभा, इलाम, खोटाङ, युएई, युएसए, महोत्तरी, पाल्पा, चितवन, पान्थर, उदयपुर, सुन्सरी, धनकुटा लगायत (जम्मा २५ जिल्ला)

सहभागि मुलुकहरु
युके, जापान, इजरायल, क्यानडा, म्यानमार, मलेसिया, कुवेत, रोमानीया, कोरिया, स्पेन, साउदी अरेबिया, भारत, नेपाल (१३ मुलुक)

नेपाली भाषाको कविता प्रतियोगिहरु
प्रतियोगि ११४
जम्मा सहभागि १३४

मैथिली भाषाको कविता १४ वटा
लिम्बु भाषाको कविता ३ वटा
राई वान्तावा भाषाको कविता १
सुनुवार भाषाको कविता १
मगर भाषाको कविता १

मूल्याङ्कन कर्ताहरु
डा.राजेन्द्र भण्डारी
डा. कविता लामा
ठाकुर वेलवासे (युवा तर्फबाट)

पहिलो चरण छनौट
खगेन्द्र अधिकारी
सुनिता राईसुब्बा, इजरायल

उत्कृष्ट कविताहरुः
१. शन्देश सुब्बा, सिकर्मी, कविता रोलक्रम ८९
२. शंकर निरौला निरक्षर (कोरिया) देश देश जस्तो छैन, कविता रोलक्रम ९४
३. प्रथा, समाजशास्त्रको आँसु, कविता रोलक्रम ४०
४. जीबन चाम्लिङ, साइला पर्यटक र देश, कविता रोलक्रम ९५
५. जीबन खत्री, परदेशबाट घरदेश सम्झेर, कविता रोलक्रम २१
६. रोसन परियार, तिम्री आमा, कविता रोलक्रम ९८
७. राजु स्याङतन, गुमनाम मान्छेको, कविता रोलक्रम ४३
८. केवल विनावी, इतिहासको ऐना, कविता रोलक्रम ८४
९. बुद्धि तेम्बे माइला, समयका डोबहरु, कविता रोलक्रम ९९
१०. कृष्ण उदासी, गाँउ र आमाहरु, कविता रोलक्रम १
११. ओमर गुरु, (स्पेन) तिमी विनाको मेरो देश, कविता रोलक्रम ४१
१२. धनपति ढुंगेल, म नवजात शिशु जन्माउन सक्छु, कविता रोलक्रम ६७
१३. भावना परिष्कृत सुनुवार, (युके) सावधान म सपना कारली रहेछु, कविता रोलक्रम ५
१४. अकेला यात्री, माष्टर साहब, कविता रोलक्रम २३
१५. हेमा आले, सम्झना, कविता रोलक्रम ७६
१६. चन्द्र प्रकास लिम्बु, इतिहासका बाँकी पुष्ठहरु, कविता रोलक्रम ९
१७. पिंकी गुरुङ, खोइ कस्तो मान्छे, कविता रोलक्रम ५१
१८. भगवती बस्नेत, माफ गर प्रिय, कविता रोलक्रम ६
१९. दलबहादुर गुरुङ, माष्टर, कविता रोलक्रम १०
२०. नन्दलाल आचार्य, खबरदार सगरमाथा, कविता रोलक्रम ३७

उत्कृष्ट महिला कवि
भावना परिष्कृत सुनुवार युके

उत्कृष्ट मैथिलि कवि
पूनम ठाकुर

पुरस्कारहरु
प्रथम पुरस्कार प्रमाणपत्र सहित नगद रु २० हजार, कविता अनुवाद
दोस्रो पुरस्कार प्रमाणपत्र सहित नगद रु १० हजार, कविता अनुवाद
तेस्रो पुरस्कार प्रमाणपत्र सहित नगद रु ५ हजार, कविता अनुवाद
उत्कृष्ट महिला कवि प्रमाणपत्र सहित नगद रु ५ हजार, कविता अनुवाद
उत्कृष्ट मैथिली भाषा प्रमाणपत्र सहित नगद रु ५ हजार, कविता अनुवाद
उत्कृष्ट २० कविताहरु अनुवाद भई पुस्तकको रुपमा आउनेछ ।

समय अनुकुल पुरस्कारहरु प्रदान गरिनेछ ।

कविता सुन्नुहोस >>>