धेरैलाई उस्तै देख्छ
थोरैलाई आफू जस्तै
आफू धेरै हुन सक्दैन
धेरै, थोरै हुन चाहदैन
खुम्चिएर 
बसेको हुन्छ-
थोरै,
चेतनाको विशाल आयतनमा
एउटा मान्छे जस्तै !
उन्नत छ-
सफेद झूठको खेती
सम्मुन्नति ल्याएको छ –
मान्छे जस्ता देखिने
धेरै मान्छेको जीवनमा धेरै
उ जान्दैन-
धेरैले गरेको खेती
कर्महिन बसेको छ –
एउटा सानो कित्तामा
थोरैभित्र
एउटा मान्छे जस्तै !
बतासमा आकार देख्छ
पानीमा रंग देख्छ
तर केही देख्दैन-
मान्छे जस्ता देखिने धेरै मान्छेभित्र
एउटा भर्चुअस बुद्ध जस्तै
एउटा भर्चुअस मान्छे !
(अश्रृंगार कविता अभियान…)
बोस्टन, अमेरिका