साहित्य महासङ्घको नियमित बैठक सम्पन्नः अन्तर देशिय कृति चर्चा तथा आदानप्रदान गर्न निर्देशन

गत २८ जुन २०१५ का दिन विश्व नेपाली साहित्य महासङ्घ विश्व केन्द्रीय समितिको नियमित इबैठक सम्पन्न भयो ।

बैठकले भर्खरै सम्पन्न विश्वब्यापी कविता प्रतियोगिताका विजयीहरुलाई अनुकुलता मिलाएर पुरस्कार प्रदान गर्ने र घोषणा गरिएका सम्मानितहरुलाई पनि सम्मान हस्तान्तर गर्नेबारे छलफल गरयो । त्यस्तैगरि भूकम्पको महाविपतीमा तत्कालै बहादुरी र विवेकपूर्ण तबरले उद्धार गर्नेहरुको लागि पुरस्कार र सम्मान दिनको निम्ति सम्पूर्ण शाखा तथा शुभेच्छुकहरुलाई पुनः आर्थिक सहयोग गर्न आब्हान गरेको छ । भूकम्प गए लगतै उद्धारकार्यमा खट्ने नेपाली प्रहरी (शसस्त्र, जनपद), सेना, नर्स डाक्टर, पत्रकार, सर्बसाधारण र सघसंस्थाहरू मध्येबाट छनौट गरिनेछ । राहत वितरणमा हुदैगरेका अनियमिततालाई हिम्मतका साथ भण्डारफोर गर्ने पत्रकारलाई विशेष चासोको साथ छनौटमा राखिनेछ । महासङ्घको मुल उद्देश्य – जिवितै उद्धार गरौ, उद्धार गरिएकालाई यथासक्दो उपचार गरौ र राहत वितरणमा कतैपनि अनियमितता हुन नदिऔ भन्ने रहेको छ । घोषित पुरस्कार तथा सम्मानको लागि आर्थिक सहयोगमा योगदान गरेकै मध्येबाट छनौट मण्डल तयार गर्ने पनि निर्णय भयो ।

त्यस्तैगरि कविता प्रतियोगिताबाट संकलित कविताहरुमा थप गरि कृति प्रकाशनको लागि अन्य कविता थप्ने सवालमा विशेषतः साहित्य महासङ्घ आबद्ध स्रष्टाहरुलाई प्राथमिकता दिने निर्णय भयो । कविता संकलन, अनुवाद र प्रकाशनको सम्बन्धमा कार्यविधि तयार गर्ने जिम्मा उपाध्यक्ष सुरेन्द्र परदेशी, महासचिव डा. लेखनाथ काफ्ले र सचिव खगेन्द्र अधिकारीलाई तोक्यो । साथै, साहित्य महासङ्घका ५ औं स्थापना दिवस अर्थात यसबर्षको भानु जयन्ति भब्यताका साथ मनाउन सबै शाखाहरुलाई आब्हान गरेको छ । विश्वब्यापी संजाल हुनुको नाताले प्रत्येक शाखाले आफ्नो देश भन्दा बाहिरका र साहित्य महासङ्घ संग आबद्ध स्रष्टाको कम्तिमा कुनै एक कृतिको समिक्षा तथा चर्चा गर्न निर्देशन जारी गरेको छ । स्थापना दिवस तथा भानु जयन्तिमा अन्य केही कार्यक्रम गरेपनि त्यसैमा कृतिचर्चा गर्न सुझाएको छ ।

बैठकले यसबर्षको उत्कृष्ट शाखा र उत्कृष्ट महासङ्घ सदस्य घोषणाको लागि सबै शाखाहरुले बार्षिक प्रतिवेदन जतिसक्दो चाडो केन्द्रमा पठाउनुपर्ने निर्णय गरेको छ । साहित्य महासङ्घ भारतमा रहेका नेपाली, म्यानमारमा रहेका नेपाली, भुटानमा रहेका नेपाली अन्य देशहरुमा रहेका नेपाली र नेपालमै रहेका नेपालीहरुबीच बराबर हैसियत राख्ने संस्था हो । यद्यपी कुनैपनि संस्थाको सम्पर्क कार्यालय चाहिने भएकोले नेपालमा औपचारिक रुपबाट कम्पनी ऐनबाट दर्ता गर्ने प्रकृयालाई पुनः अगाडि बढाउने निर्णय भयो । बैठक प्रत्येक महिनाको २८ तारिक नेपालको समय बेलुकी ७ बजे अनिवार्य र नियमित हुदै आएकोले सबै उपस्थित हुनुपर्ने र अग्रिम जानकारी गराई अनुउपस्थित हुनेलाई महत्वपूर्ण सवालमा इमेल गरि राय लिई निर्णय गर्ने सर्बसम्मती भयो । त्यस्तै गरि कविता प्रतियोगिताको दौडानमा सहयोग गर्नुहुने सबैलाई एकमुष्ट धन्यवाद ज्ञापन गरेको छ । महासङ्घमै आबद्ध स्रष्टाहरुको कृतिहरुको सवालमा पर्याप्त जानकारी नभएकोले आआप्mनो कृति विवरण सचिव खेगेन्द्र अधिकारीलाई पठाउनु पर्ने आब्हान गरिएको छ । धेरै बैठकमा उपस्थित नभएका र संस्थाका विविध गतिविधिमा योगदान नगर्ने सदस्य तथा पदाधिकारीलाई प्रकृयागत बिदाई गर्ने पनि निर्णय भयो ।

बैठकको सभापतित्व अध्यक्ष विश्वास दीप तिगेलाले गर्नुभएको थियो भने संचालन महासचिव डा. लेखनाथ काफ्लेले गर्नुभएको थियो ।