घाम जून झलमल (रबिन्द्र दिखुक्पा राई)

घाम जून झलमल छाओस भन्छु म

शान्तिसंगै संबिधान आओस भन्छु म

Rabindra

खडेरी अभावको कवाडी बजारमा

पेटले अलिनो खान पाओस भन्छु म

 

राष्ट्रियताको कफन बाधी मेचीकाली

यो नेपाली शीर उचाली गाओस भन्छु म

 

रस्तिबस्तीको फोहर मैला दुःख पीडा

भेल बाढी झरीसंगै जाओस भन्छु म

 

एउटा नेपालीलाई घाउ चोट लाग्दा

अर्कोले मलम पट्टी लाओस भन्छु म ।।

 

–  जापान

82total visits,1visits today

Comments

comments